Er þá ekki um 19% Atvinnuleysi ??

Ef það eru aðeins 81.4% fólks á vinnumarkaði í vinnu hér á landi þá hlýtur atvinnuleysið að vera 18,6% því það er náttúrulega ekki tekið með í reikninginn allt fólkið sem þarf að flýja heimilin sín til annara landa að vinna, það er alltaf verið að reyna að fegra þetta hérna 6,4% atvinnuleysi my ass , nei það er það ekki

6,4% atvinnuleysi í haust

Athugasemdir

[Jóhann Elíasson, 26.10.2010 kl. 10:06]

Nú verð ég reyndar að taka upp hanskann fyrir Hagstofuna 81,4% á atvinnumarkaði, segir að þessi prósenta landsmanna stundi vinnu utan heimilis, sem þýðir að 18,6% eru börn og fólk utan atvinnumarkaðar.  En hitt er svo alveg rétt hjá þér að inn í þessar atvinnuleysistölur vantar þá sem hafa flust af landi brott vegna atvinnuleysis og vissulega er atvinnuleysi mun meira en 6,4%.

[Guðborg Eyjólfsdóttir, 26.10.2010 kl. 11:31]

Ég sé það núna Jóhann þegar ég fór að lesa fréttina aftur að ég misskildi hana  en það er allavega nokkuð ljóst að ativnnuleysi er miklu meira en 6,4% og mér finnst það mætti kippa því með í líðinn hvað margir hafa þurft að flýja land og fara frá fjölskyldum til þess að vinna í öðru landi og þar á meðal minn maður

[Jóhann Elíasson, 26.10.2010 kl. 11:40]

Að sjálfsögðu ætti það að vera forgangsatriði hjá stjórnvöldum að ráða bug á atvinnuleysi, en það er bara þannig að á meðan ekki er gert neitt til að efla fyrirtækin, frekar er lagður steinn í götu þeirra, þá eflist atvinna ekki.  Þetta virðist öllum vera ljóst nema "ríkisstjórn fólksins", sem virðist ekki hafa nein "úrræði" gegn kreppunni en að skattpína almenning og fyrirtæki landsins á meðan þeir afskrifa hundruð milljarða skuldir "auðmanna" og fjármagnseigenda.

[Svandís Georgsdóttir (IP-tala skráð) 26.10.2010 kl. 12:23]

Nákvæmlega !!!! Hvert væri atvinnuleysið á Íslandi ef allt það atvinnulausa fólk sem flutt er erlendis væri talið með??? Nei þeir passa sig að nefna það ekki, og hvað með fólkið sem er farið að detta út af bótum af því það er búið að vera þar svo lengi????

[Theódór Norðkvist, 26.10.2010 kl. 15:32]

Fjöldi starfandi á þriðja ársfjórðungi 2010 var 170.200 manns, að sögn Hagstofunnar, og fækkaði um 1.300 frá sama tíma ári áður. Á vinnumarkaði voru alls 181.900 manns sem jafngildir 81,4% atvinnuþátttöku.

Segir í fréttinni. Það hlýtur að vera átt við þá sem eru 16 og eldri, því ekki er hægt að segja að börn séu á vinnumarkaði.

Þessir 11.700 (181.900 - 170.200) eru þá atvinnulausir, námsfólk, heimavinnandi o.s.frv. Veit ekki hvort öryrkjar eru taldir með, kannski ef þeir eru vinnufærir að einhverju leyti. Eða fólk á aldrinum 60-67 ára sem hefur hafið töku lífeyris?

[Helgi Hrafn Gunnarsson (IP-tala skráð) 26.10.2010 kl. 22:46]

Ég gruna fjölmarga um að hafa yfirgefið Ísland því þeir fengu leið á því í kreppunni. Ég fékk leið á Íslandi löngu fyrir kreppu, kreppan flýtti bara ákvörðuninni að flytja úr landi. Ég sagði meira að segja upp vinnu minni til að flytja út... en ég er auðvitað bara eitt dæmi.

En svo er líka að svona tölfræði eins og atvinnuleysisprósentur eru bara tól til að mæla til um nýtingu vinnuaflsins eins og það er núna, en eru ekki til þess að mæla t.d. stærð efnahagsins eða vinnumarkaðarins. Vinnumarkaðurinn hefur minnkað, það er rétt, en atvinnuleysisprósentan er ekki ætluð til þess að segja neitt um það, og því eðlilegt að hún taki ekki mið af einhverju liði sem er ekki einu sinni á landinu (eins og mig).

Það er kannski misskilningur lesenda, að lesa atvinnuleysisprósentuna eins og einhvers konar heildarmælikvarða á efnahagslega velgengni, frekar en að hún sé reiknuð vitlaust. Hún er ekki ætluð til þess að mæla neina heildarmynd eða þá einu sinni framboð á vinnu, heldur er hún mælikvarði á það hversu stór hluti þess fólks sem er á landinu núna, sé í vinnu.

Athugaðu að fólk sem er flutt burt af landinu, er ekki á landinu og tekur því ekki þátt í íslenska efnahagnum, nema það sendi pening heim og það kemur atvinnuleysi ekkert við. Það væri því mjög villandi að reikna atvinnuleysisprósentu út frá vinnuafli sem er ekki einu sinni til staðar.

[Einhver Ágúst, 26.10.2010 kl. 23:15]

Hvernig í skrambanum á að setja þá sem flytja af landi brott inní tölur um atvinnuleysi?

Á að setja alla erlenda frandverkamenn sem flutt hafa héðan inní á tölu svo þið getið verið nógu neikvæð?

Ég skil ykkur ekki....

Það er 6.4% atvinnuleysi....sem er mun lægra og jákvæðara en búist var við, það er jákvætt..

 Leiðinlegt að það henti ykkur ekki, ekki nógu neikvætt.

[Helgi Hrafn Gunnarsson (IP-tala skráð) 26.10.2010 kl. 23:21]

Ég gleymdi að nefna...

...erlenda verkafólkið er væntanlega farið líka. Það hafa ekki bara Íslendingar vit á því að búa annars staðar. ;)

[Theódór Norðkvist, 26.10.2010 kl. 23:30]

Sýnist að ég hef misskilið málið, 181.900 manna atvinnuþátttaka er 81,4% af þeim sem geta verið á vinnumarkaði, þ.e. sem hafa aldur og getu til.

Miðað við að tæp 182 þús. eru 81,4% vinnufærra, er fjöldi þeirra 223.464. Sem þýðir að 24% þeirra sem geta unnið eru ekki í vinnu!

En sem fyrr segir geta verið í þessum 24 prósentum námsmenn, fólk sem er sest í helgan stein, heimavinnandi, eða...að vinna svart? Má alltaf deila um hvernig atvinnuleysi skuli mælt, varla er rétt að taka námsmenn og húsmæður með.

Síðan er til það sem er kallað dulið atvinnuleysi, t.d. hjá hinu opinbera stöður sem eru búnar til fyrir flokkshesta (einhverja ágústa?) fyrirtæki sem eru í raun búin að vera, en er haldið á lífi í kerfinu þrátt fyrir að vera liðin lík og ýmislegt annað má tína til.

[Einhver Ágúst, 26.10.2010 kl. 23:33]

Já nákvæmlega, staða mín er matreiðslumaður hjá Hjallastefnunni í fullu starfi...með ca 50 þúsnd meira útborgað en atvinnuleysisbætur...

OG svo sit ég í tveim ráðum hjá Reykjavíkurborg, fyrir það fæ ég 60 þúsund....

Ég er þá svona flokksmúlasni er það ekki?

Dulið atvinnuleysi...já einmitt

[Theódór Norðkvist, 26.10.2010 kl. 23:58]

Fyrigefðu ágæti Ágúst, þetta var ekki illa meint. Ef þú situr ekki í mannréttinda(ó)ráði er ég sáttur við þig.

[Einhver Ágúst, 27.10.2010 kl. 00:16]

ég sit í velferðarráði og er ekki sáttur við mig þar, að því leyti að það er að taka okkur of langann tíma að hækka framfærslu og ná að hjálpa þeim sem þess þurfa....

Varðandi ályktun mannréttindaráðs þá á hún eftir mikla lýðræðislega umfjöllun í allaveganna tveim fagráðum til viðbótar, svo það er enginn skaði skeður.

Full mikill æsingur myndi ég segja yfir litlu....

[Sigurbjörg Eiríksdóttir, 27.10.2010 kl. 08:34]

Ég skil mæta vel að fólk sé ekki sátt við þessar tölur Guðborg. Ég veit að þinn maður vinnur erlendis. Er hann skráður sem fullvinnandi hér heima eða er hann skráður brottfluttur? Oft hefur maður séð nákvæmari tölur en þær sem koma núna frá Hagstofunni. Ég þekki fjöldan allan sem er farinn úr landi. Og nú segja þeir sem komust til valda í borginni vegna þess að sumt fólk vildi sjá eitthvað "nýtt": Full mikill æsingur í ykkur! Já var það ekki..Mér datt það svona í hug.

Kveðja til þín.

Silla..(Fúsamamma)

[Guðborg Eyjólfsdóttir, 27.10.2010 kl. 10:33]

Sæl og blessuð Silla mín :) þekki þig sko vel :) maðurinn minn er skráður með lögheimili hérna, en er með aðsetur í Noregi og eina ástæðan fyrir því að hann fór er af því að það var enga vinnu fyrir hann að fá hér, nema þá kanski að hluta til, ég veit að það er fullt af fólki farið því það var búið að fá nóg hér, en það er ekki ástæðan með okkur, mig langar sko hreint ekki að fara héðan, en ég verð samt að viðurkenna að ég er búin að fá alveg nóg af því að hafa hann alltaf í öðru landi að vinna, en einhvern veginn verður maður að bjarga sér og sínum :)

Einhver Ágúst :  það er ekki verið að tala um þá sem fluttir eru af landi brott sem atvinnulausa, heldur þeir sem ennþá eiga heima á Íslandi og fljúga á milli landa ca 12 sinnum á ári til þess að vinna og eru með lögheimili hér, það er alveg óhætt að segja að ef atvinnuleysi væri ekki eins mikið og raun ber vitni þá væru þessir aðilar að vinna hér á landi, og þarf af leiðandi er meira atvinnuleysi heldur en þessar tölur því það eru ekki til vinnur hér fyrir þegna þessa lands. Og fyrir gefðu en mér finnst ekki jákvætt að vera með tölur sem eru út í hött.

[Einhver Ágúst, 27.10.2010 kl. 13:04]

Þessar tölur eru að mér sýnist bara nokkuð nærri lagi, allaveganna nær en 19% sem þú fékkst út...jújú einhverjir vinna erlendis tímabundið, aðrir hafa skertann vinnutíma.

Ég er nú þannig gerður eftir eigin reynslu að við íslendigar höfum afar gott af að komast erlendis, til að auka vísýi og læra ýmislegt sem okkur vantar uppá sem þjóð.

Ég tildæmis flutti erlendis sjálfur í nokkur ár og fyrstu mánuðina lærði ég vinnuaga, skipulag og hreinlæti algjörlega uppá nýtt. Samt þótti ég með þeim betri í mínu fagi hérlendis áður en ég fór.

Auðvitað er erfitt fyrir hjón að vera aðskilin en það er nú raunveruleiki gríðarmargra hjóna á íslandi í sjómannabransanum og hefur verið um áraraðir.

Það hentar kannski ekki ykkar mótívi að þetta sé svona, en í guðanna bænum viðurkennið nú það litla jákvæða sem við höfum í mildustu "kreppu" mannkynssögunnar.

Ég veit þið hatið komma og alla sem ekki eru sjálfstæðismenn....ekki málið, en verið nú sanngjarnar.

Afhverju er fólk ekki sátt við þessar tölur? Vilja menn að fleiri séu atvinnulausir svo að vinir þeirra naí aftur völdum? Hvað er málið?

Ég skil ekki alveg....

[Einhver Ágúst, 27.10.2010 kl. 13:05]

Komið og vinnið í mínum bransa, þar er ekkert atvinnuleysi.

Nóg störf:

http://www.rvk.is/desktopdefault.aspx/tabid-2901/

[Guðborg Eyjólfsdóttir, 27.10.2010 kl. 15:23]

Mér finnst ekkert athugavert við það ef fólk vill fara úr landi að það geri það, en persónulega langar mig það ekki, en mun eflaust gera það ef ekki fer að breytast eitthvað hér.

Ég er sjómannsdóttir og kaus það þegar ég fór á stúfana í makaleit að fá mér ekki sjómann, því ég vildi að maðurinn minn yrði heima hjá börnunum sínum og mér   Persónulega hata ég enga komma og elska ekki sjálfstæðismenn frekar en eitthvað annað, ég vil bara fá góða stjórn hérna í þessu landi sem getur ráðið við þetta allt saman.  Veistu það Einhver Ágúst að ef þætta væru réttar tölur um atvinnuleysi þá væri maður ánægður, en það er bara ekki þannig, og þar að auki á hverjum degi heyrir maður um hóp uppsagnir.

Persónulega er ég með nóg af vinnu og þarf ekki aðra eins og er allavega, maður þakkar fyrir hvern dag sem að maður hefur vinnu, svo að maður þurfi ekki að standa í biðröð einhvers staðar og biðja um mat

Ég skil ekki alveg hvernig þú getur verið svona rosalega ánægður með þetta allt saman  Það er náttúrulega gott að vera í Pollýönnu leik en maður má ekki grafa hausinn í sandinn samt

[Einhver Ágúst, 27.10.2010 kl. 19:23]

Ég er ekkert ánægður með allt saman....alls ekki, ég er bara þakklátur og feginn að atvinnuleysið er ekki hærra en raun ber vitni.

Ég er sjálfur á frekar lágum launum og var að fá útreikninga vena fæðingarorlofs....það er ekkert grín, en ég veit að það mun leysast.

Biðraðirnar eru samt ekkert svo langt undann manni þegar maður asnast til að eignast barn á svona lágum launum.

En ég er glaður og þaklátur fyrir heilbrigða stúlku og heilsu mína og minna.

Og ég er glaður með 6,4% atvinnuleysi sem er það allra lægsta á hnettinum....